24x7latest

ఆంధ్ర‌ప్ర‌దేశ్ డిప్యూటీ స్పీక‌ర్‌, బాప‌ట్ల ఎమ్మెల్యే కోన ర‌ఘుప‌తికి క‌రోనా వైర‌స్ సోకింది. ఆయ‌న ఈ విష‌యాన్ని అధికారికంగా ధ్రువీక‌రించారు. కోన ర‌ఘుప‌తితో పాటు భార్య‌, కుమార్తెకు కూడా కోవిడ్ నిర్థార‌ణ అయింది. ఈ విష‌యాన్ని ఆయ‌నే స్వ‌యంగా ఫేస్‌బుక్‌లో వీడియో పోస్ట్ చేశారు డిప్యూటీ స్పీక‌ర్ కోన ర‌ఘుప‌తి. వీడియోలో స్పీక‌ర్ మాట్లాడుతూ.. ‘ఈ రోజు జ్వ‌రం రావ‌డంతో క‌రోనా టెస్టులు చేయించాం. రిపోర్టులో పాజిటివ్ వ‌చ్చింది. దీనికి కంగారు ప‌డాల్సిన ప‌నిలేదు. వారం రోజులు హోం క్వారంటైన్‌లో ఉండాల‌ని వైద్యులు సూచించిన‌ట్లు చెప్పారు. దీంతో నేను ప్ర‌భుత్వ కార్య‌క్ర‌మాల‌ను వాయిదా వేస్తున్నాను. నేను ప్ర‌స్తుతం ధైర్యంగా ఉన్నాను. కేవ‌లం మాకు మైల్డ్ ల‌క్ష‌ణాలు మాత్ర‌మే ఉన్నాయి. కాబ‌ట్టి ఎలాంటి ఇబ్బంది లేదు. వారం రోజుల్లోనే మ‌ళ్లీ క‌లుద్దాం’. అంటూ ఓ వీడియోను పోస్ట్ చేశారు.

IPL 2020 అంతా అనుకున్నట్లే జరుగుతోంది. దేశంలో కరోనా వ్యాప్తి తీవ్రంగా ఉన్న నేపధ్యంలో యూఏఈ వేదిక ఐపీఎల్ 13వ సీజన్‌ను నిర్వహించేందుకు బీసీసీఐ చేసిన విజ్ఞప్తికి కేంద్ర ప్రభుత్వం గ్రీన్ సిగ్నల్ ఇచ్చింది. దీనితో సెప్టెంబర్ 19 నుంచి నవంబర్ 10వ తేదీ వరకు యూఏఈ వేదికగా ఇండియన్ ప్రీమియర్ లీగ్ జరగనుంది. విదేశీ గడ్డపై ఐపీఎల్ జరగడం ఇది మూడోసారి. గతంలో 2009లో దక్షిణాఫ్రికాలో, 2014లో పాక్షికంగా యూఏఈలో ఐపీఎల్ మ్యాచ్‌లు జరిగాయి. ఇక ఈసారి విదేశాల్లో ఐపీఎల్ నిర్వహణ కత్తి మీద సాము అనే చెప్పాలి. కరోనా వైరస్ వ్యాప్తి ఉన్న నేపధ్యంలో స్టాండర్డ్‌ ఆపరేటింగ్‌ ప్రొసిజర్‌ (ఎస్‌ఓపీ)లోని నిబంధనలు పాటిస్తూ బయోసెక్యూర్ వాతావరణంలో ఈ లీగ్‌ను నిర్వహించాల్సి ఉంది. పూర్తి షెడ్యూల్‌ను వారంలో ఖరారు చేయనుండగా.. మొత్తం 53 రోజుల ఐపీఎల్ 2020 టోర్నమెంట్‌లో 10 డబుల్ హెడర్ మ్యాచ్‌లు ఉండనుండగా.. సాయంత్రం మ్యాచ్‌లు రాత్రి 7.30 గంటలకే మొదలు కానున్నాయి. కాగా, ఈ 13 సీజన్‌లలో మొదటిసారిగా ఐపీఎల్ ఫైనల్ వీక్ డేలో జరగనుంది.

మాజీ స్పీక‌ర్‌, జ‌న‌సేనాని ప‌వ‌న్‌క‌ల్యాణ్ ప్ర‌ధాన స‌ల‌హాదారు నాదెండ్ల మ‌నోహ‌ర్ తెలివి తేట‌లు అమోఘం. గ‌త సార్వత్రిక ఎన్నిక‌ల ముందు ప్ర‌త్యేక హోదా ఇవ్వ‌ని మోడీ స‌ర్కార్‌పై టీడీపీ, వైసీపీలు పార్ల‌మెంట్‌లో అవిశ్వాస తీర్మానం ప్ర‌వేశ పెట్టాల‌ని, దానికి కావాల్సిన స‌భ్యుల‌ను తాను కూడ‌గ‌డుతాన‌ని ప‌వ‌న్‌క‌ల్యాణ్ చెప్ప‌డం, అందుకు త‌గ్గ‌ట్టుగా వైసీపీ చేయ‌డం తెలిసిందే. ఆ త‌ర్వాత ప‌వ‌న్‌క‌ల్యాణ్ ఢిల్లీ మొహం కూడా చూడ‌లేదు. అది వేరే విష‌యం. అప్ప‌ట్లో ఇంత అద్భుత‌మైన స‌ల‌హా త‌న‌కు ఇచ్చింది నాదెండ్ల మ‌నోహ‌రే అని ప‌లు సంద‌ర్భాల్లో ప‌వ‌న్‌క‌ల్యాణ్ చెప్పారు. దీన్నిబ‌ట్టి నాదెండ్ల మ‌నోహ‌ర్ తెలివితేట‌ల వ‌ల్ల ప‌వ‌న్‌క‌ల్యాణ్ ఎంత పేరు ప్రతిష్ట‌లు తెచ్చుకుంటున్నారో అర్థ‌మ‌వుతోంది క‌దా! మూడు రాజ‌ధానులపై భ‌విష్య‌త్‌లో చేప‌ట్టాల్సిన కార్యాచ‌ర‌ణ‌పై అభిప్రాయాలు తీసుకునేందుకు ఆదివారం  జనసేన పార్టీ పొలిటికల్ అఫైర్స్ కమిటీ ప్రతినిధులతో అధినేత పవన్‌ కళ్యాణ్  టెలీకాన్ఫరెన్స్ నిర్వ‌హించారు. ఈ టెలీకాన్ఫ‌రెన్స్‌లో నాదెండ్ల మనోహర్ మాట్లాడుతూ రాజధాని తరలింపు అనేది ప్రభుత్వ నిర్ణయం కాదని తేల్చి చెప్పా...

జనసేన పార్టీ అధ్యక్షుడు పవన్ కల్యాణ్ పార్టీ రాజకీయ వ్యవహారాల కమిటీతో చర్చించారు. ఈ సందర్భంగా పవన్ ఆసక్తికర వ్యాఖ్యలు చేశారు. అమరావతి కోసం టీడీపీ ఎమ్మెల్యేలు రాజీనామా చేయాలని అన్నారు. కృష్ణా, గుంటూరు జిల్లాల వైసీపీ ఎమ్మెల్యేలు కూడా శాసనసభ్యత్వాలకు రాజీనామా చేయాలని డిమాండ్ చేశారు. అమరావతిపై చిత్తశుద్ధి ఉంటే ప్రత్యక్ష పోరాటంలోకి రావాలని తెలిపారు. రాజధాని వికేంద్రీకరణ పేరిట మూడు ప్రాంతాల మధ్య చిచ్చురేపుతున్నారని పవన్ ఆరోపించారు. రైతు కన్నీరుపై రాజధాని నిర్మాణం వద్దని మొదటి నుంచి చెబుతున్నామని, ప్రభుత్వ వైఫల్యాలు కప్పిపుచ్చుకునేందుకే రాజధాని క్రీడ మొదలుపెట్టారని విమర్శించారు. రాజధాని వికేంద్రీకరణపై న్యాయకోవిదులు, నిపుణులతో చర్చిస్తామని తెలిపారు.  

ముగ్గురు చిన్నారులను దత్తత తీసుకున్నా: యాదాద్రి భువనగిరి జిల్లా ఆత్మకూరు గ్రామానికి చెందిన ముగ్గురు చిన్నారులు తల్లిదండ్రులను కోల్పోయి అనాథలుగా మారగా, వారి దీనగాథ తెలుసుకుని చలించిపోయిన దిల్ రాజు ఆ ముగ్గురిని తాను దత్తత తీసుకుంటున్నట్టు ప్రకటించారు.. ‘ఈ ముగ్గురు చిన్నారులను మా కుటుంబంలోకి ఆహ్వానిస్తున్నా.. ఇకపై వీరి ముగ్గురి సంరక్షణ బాధ్యతలను నేనే చూసుకుంటా’ అని దిల్ రాజు తెలిపారు ఆత్మకూరు గ్రామానికి చెందిన గట్టు సత్తయ్య, అనురాధ దంపతులకు మనోహర్, లాస్య, యశ్వంత్ అనే పిల్లలున్నారు. మొదట గట్టు సత్తయ్య అనారోగ్యంతో చనిపోగా, ఆ తర్వాత ఆయన భార్య అనురాధ కూడా కన్నుమూశారు. దాంతో మనోహర్, లాస్య, యశ్వంత్ దిక్కలేనివారయ్యారు. ఈ విషయాన్ని తెలంగాణ మంత్రి ఎర్రబెల్లి దయాకర్ రావు ద్వారా తెలుసుకున్న దిల్ రాజు కదిలిపోయారు. వెంటనే వారి బాధ్యతలు తాను స్వీకరిస్తానని ముందుకొచ్చారు. తమ కుటుంబం 2018లో ‘మా పల్లె చారిటబుల్ ట్రస్ట్’ స్థాపించిందని, ఇప్పుడా ట్రస్ట్ ఆధ్వర్యంలో ఆ ముగ్గురు చిన్నారుల బాగోగులు చూసుకుంటామని దిల్ రాజు తెలియచేసారు . ఇక నుంచి మనోహర్, లాస్య, యశ్వంత్ తమ కుటుంబంలో సభ్యులేనని ఆయన స్పష్టం చేశారు, ఆ మ...

బాలీవుడ్ బిగ్‌బీ అమితాబ్ బచ్చన్ కరోనా నుంచి కోలుకున్నారు. ఆయన ఆదివారం ముంబైలోని నానావతి ఆసుపత్రి నుంచి డిశ్చార్జి అయ్యారు. ఈ మేరకు ఆయన కుమారుడు అభిషేక్ బచ్చన్ ట్వీట్ చేశారు. అమితాబ్ కరోనా నుంచి పూర్తిగా కోలుకోవడంతో ఆయనను వైద్యులు డిశ్చార్జి చేశారు. చివరిగా నిర్వహించిన కరోనా టెస్టులో ఆయనకు నెగెటివ్ వచ్చింది. దాంతో అమితాబ్ ను ఆసుపత్రి నుంచి డిశ్చార్జి చేసినట్టు ఆయన తనయుడు అభిషేక్ బచ్చన్ ట్విట్టర్ ద్వారా వెల్లడించారు. ప్రస్తుతం ఆయన ఇంటికి చేరుకుని విశ్రాంతి తీసుకుంటున్నారని వివరించారు. తన తండ్రి ఆరోగ్యం కోసం ప్రార్థించిన వారందరికీ కృతజ్ఞతలు తెలుపుకుంటున్నానని అభిషేక్ తన ట్వీట్ లో పేర్కొన్నారు తన విషయం గురించి చెబుతూ, ఇతర లక్షణాల కారణంగా తాను కొంతకాలం ఆసుపత్రిలో ఉండాల్సి వస్తోందని మరో ట్వీట్ లో తెలిపారు. ఇప్పటికీ తనకు కరోనా పాజిటివ్ అనే వస్తోందని వివరించారు.నేను దీన్ని ఓడించి ఆరోగ్యంగా తిరిగి వస్తాను! ప్రామిస్. అంటూ ట్వీట్ చేసారు

విశాఖ హిందూస్థాన్ షిప్ యార్డ్ క్రేన్ ప్రమాదంలో 11 మంది మృతి చెందిన సంగతి తెలిసిందే. ఆదివారం మంత్రి అవంతి శ్రీనివాస్ ప్రమాద ఘటన స్థలాన్ని పరిశీలించారు. మృతుల కుటుంబాలకు రూ.50 లక్షల నష్టపరిహారంతో పాటు కుటుంబంలో ఒకరికి ఉద్యోగం ఇస్తామని హామీ ఇచ్చారు. ఈ నేపథ్యం లో విశాఖ షిప్ యార్డ్ యాజమాన్యంతో మంత్రి గంటకుపైగా సమావేశమయ్యారు.నిన్న జరిగిన ప్రమాదం నేపథ్యంలో మంత్రి అవంతి నష్టపరిహారం, ఇతర అంశాలపై హిందూస్థాన్ షిప్ యార్డు లిమిటెడ్ యాజమాన్యం, కాంట్రాక్టు సంస్థల ప్రతినిధులతో మాట్లాడారు. అధికారులు, కార్మికులతోనూ ఆయన చర్చించారు. పర్మినెంటు ఉద్యోగుల కుటుంబంలో ఒకరికి ప్రభుత్వ ఉద్యోగం, కాంట్రాక్టు కార్మికుల కుటుంబాల్లో ఒకరికి కాంట్రాక్టు సంస్థల్లో శాశ్వత ఉపాధి కల్పించనున్నట్టు అవంతి వివరించారు. ఇవి కాకుండా హిందూస్థాన్ షిప్ యార్డు లిమిటెడ్ ద్వారా అదనపు సౌకర్యాలు కలుగుతాయని తెలిపారు. కాగా క్రేన్ కూలిన ఘటన లో 11 మంది చనిపోయారు

దేశంలో కరోనా కేసులు పెరుగుతుండగా.. కేంద్ర హోంమంత్రి అమిత్ షాకు కరోనా పాజిటివ్గా నిర్ధారణ అయ్యింది. కరోనా లక్షణాలు కనిపించడంతో ఇటీవల పరీక్షలు చేయించుకున్న ఆయనకు పాజిటివ్ గా తేలింది డాక్టర్ల సూచన మేరకు తాను ఆస్పత్రిలో చేరుతున్నట్లు చెప్పిన అమిత్ షా.. గత కొన్ని రోజులుగా తనను కలిసిన వారు ఐసోలేషన్లో ఉండాలని, అవసరమైతే కరోనా పరీక్షలు చేయించుకోవాలని పేర్కొన్నారు

నిన్న రాత్రి హైదరాబాద్‌, జల్‌పల్లిలో సినీ నటుడు మోహన్‌బాబు ఫాంహౌస్‌లోని ఇంట్లోకి నలుగురు యువకులు కారుతో దూసుకెళ్లిన విషయం తెలిసిందే. అంతేకాకుండా వారు మోహన్‌బాబు కుటుంబ సభ్యులను బెదిరించినట్లు ఆరోపణలు వచ్చాయి. మైలార్‌దేవ్‌పల్లి ‌కు చెందిన నలుగురు యువకులను గుర్తించిన పోలీసులు వారందరినీ అరెస్టు చేశారు. వారి పేర్లు రాఘవేంద్ర, ఆనంద్, గౌతమ్, డేవిడ్‌గా గుర్తించారు. ఈ విషయాన్ని తెలుసుకున్న ఆ యువకుల తల్లిదండ్రులు హుటాహుటిన పోలీస్ స్టేషన్‌కు చేరారు . ఫాంహౌస్‌ చూడడానికే తమ పిల్లలు అక్కడికి వెళ్లారని కుటుంబ సభ్యులు పోలీసులకు తెలిపారు. అంతేగానీ, దానిపై దాడి చేయడానికి వెళ్లలేదని వారు వివరించారు. అయితే, వారు దారి తప్పి మోహన్‌బాబు ఫాంహౌస్‌కి వెళ్లి ఉండొచ్చని కూడా వారు వ్యాఖ్యానించారు. ఈ ఘటనపై పోలీసులు మరిన్ని వివిరాల కోసం దర్యాప్తు కొనసాగిస్తున్నారు.

వివాదాస్ప‌ద‌ ద‌ర్శ‌కుడు రాంగోపాల్ వ‌ర్మ మ‌రో సంచ‌ల‌న‌ చిత్రాన్ని ప్ర‌క‌టించాడు ప్రముఖ నిర్మాత అల్లు అరవింద్ పై తాను తీస్తున్న సినిమా పేరును సంచలన దర్శకుడు రాంగోపాల్ వర్మ ప్రకటించాడు. ‘

 మూడు రాజధానులను ఏర్పాటు చేయడానికి ఉద్దేశించిన ఏపీ వికేంద్రీకరణ బిల్లు ఆమోదం పొందడం, రాజధాని ప్రాంత అభివృద్ధి అథారిటీ (సీఆర్డీ) రద్దు నేపథ్యంలో.. ప్రభుత్వం మెరుపు వేగంతో నిర్ణయాలను తీసుకుంటోంది. పరిపాలనను వేగవంతం చేసేలా తక్షణ చర్యలకు దిగింది. సీఆర్డీఏ బిల్లు రద్దు అనంతరం దాని స్థానంలో అమరావతి మెట్రోపాలిటన్ ప్రాంత అభివృద్ధి మండలిని ఏర్పాటు చేస్తామని ప్రకటించిన ప్రభుత్వం.. దాన్ని అమల్లోకి తీసుకొచ్చింది. ఏఎంఆర్డీఏ కమిటీ సభ్యులనూ నియమించింది. సీఆర్డీఏకు బదులుగా ఏఎంఆర్డీఏ సీఆర్డీఏ స్థాయంలో అమరావతి మెట్రోపాలిటన్ ప్రాంత అభివృద్ధి మండలి (ఏఎంఆర్డీఏ)ని ఏర్పాటు చేసింది. ఈ మేరకు నోటిఫికేషన్‌ను జారీ చేసింది. సీఆర్డీఏను రద్దు చేస్తూ అసెంబ్లీ ఆమోదించిన తీర్మానంపై గవర్నర్ బిశ్వభూషణ్ హరిచందన్ ఆమోదముద్ర వేసిన మరుసటి రోజే ఏఎంఆర్డీఏను తెరపైకి తీసుకొచ్చింది. దానితో పాటు కొత్త సభ్యులను నియమించింది. మున్సిపల్ శాఖ కార్యదర్శి జే శ్యామల రావు దీనికి సంబంధించిన నోటిఫికేషన్‌ను జారీ చేశారు. మొత్తం 11 మంది సభ్యులను ఏఎంఆర్డీఏ కమిటీలో నియమించారు. సభ్యులు వీరే.. మున్సిపల్ శాఖ కార్యదర్శి డిప్య...

Trojan కేటగిరికి చెందినదిగా చెబుతున్న 'BlackRock' అనే ఒక మాల్వేర్ Android స్మార్ట్ ఫోన్ల నుండి వినియోగదారుల విలువైన బ్యాంక్ సమాచారాన్ని సేకరిస్తున్నట్లు బయటపడింది. ఇప్పటి వరకూ పర్సనల్ డేటా చౌర్యానికి మాత్రమే పరిమితమైన సైబర్ దాడులు ఇప్పుడు ఆండ్రాయిడ్ స్మార్ట్ ఫోన్ల నుండి బ్యాంక్ అకౌంట్ వివరాలు కూడా దోచుకునేంతగా ముందుకు సాగుతోంది. ఒక మాల్వేర్, బ్యాంక్ అకౌంట్ ఆధారాలను మరియు క్రెడిట్ కార్డు వాటి వాటి వివరాలను ఆండ్రాయిడ్ మొబైల్ ఫోన్ల ద్వారా సేకరిస్తున్నట్లు మరియు ఇది దాదాపుగా 300 పైగా ఆండ్రాయిడ్ యాప్స్ పైన తాన్ ప్రభావాన్ని చూపిస్తున్నట్లు తెలిపింది. అసలే ప్రజలు కరోనా మహమ్మారితో దెబ్బకి హడలెత్తి పోతోంటే, ఆన్ లైన్ లో సైబర్ దాడులు మరియు సైబర్ మోసాలు మరింతగా కృంగదీస్తున్నాయి. ఇప్పటి వరకూ పర్సనల్ డేటా చౌర్యానికి మాత్రమే పరిమితమైన సైబర్ దాడులు ఇప్పుడు ఆండ్రాయిడ్ స్మార్ట్ ఫోన్ల నుండి బ్యాంక్ అకౌంట్ వివరాలు కూడా దోచుకునేంతగా ముందుకు  సాగుతోంది. ఇప్పుడు కొత్తగా వచ్చిన ఒక నివేదిక ప్రకారం,Trojan కేటగిరికి చెందినదిగా చెబుతున్న 'BlackRock' అనే ఒక మాల్వేర్ Android స...

కరోనా కారణంగా ఉద్యోగం కోల్పోయి కూరగాయల వ్యాపారం చేస్తున్న ‘సాఫ్ట్‌వేర్ శారద’కు  తెలంగాణ ఇన్ఫర్మేషన్‌ టెక్నాలజీ అసోసియేషన్‌ (టిటా) చేయూత అందించేందుకు ముందుకొచ్చింది. శనివారం ఆమెకు ఉచితంగా ల్యాప్‌టాప్ అందించిన టిటా గ్లోబల్ అధ్యక్షుడు సందీప్ మక్తాల.. ఆర్టిఫిషియల్ ఇంటెలిజెన్స్ (ఏఐ)పై ఆమెకు ఉచితంగా శిక్షణ ఇస్తామన్నారు. ఈ మేరకు యూనివర్సిటీ ఆఫ్ టెక్సాస్ ఎట్ డల్లాస్ భాగస్వామ్యంతో టిటా చేపట్టిన శిక్షణ కార్యక్రమంలో ఉచితంగా శిక్షణ పొందేందుకు అవసరమైన పత్రాలను ఆమెకు అందించారు. సాఫ్ట్‌వేర్ ఇంజినీర్‌గా ఓ సంస్థలో పనిచేసిన శారద.. కరోనా లాక్‌డౌన్ కారణంగా ఉద్యోగం కోల్పోయింది. ఉద్యోగం కోల్పోయినందుకు ఏమాత్రం దిగులు చెందకుండా కూరగాయలు అమ్ముతూ కుటుంబానికి అండగా నిలిచింది. ఆత్మవిశ్వాసంతో ముందుకు సాగిన ఆమె తీరు సోషల్ మీడియాలో విపరీతంగా వైరల్ అయింది.  

త్వరలోనే, రిలయన్స్ జియో కొత్త ఫీచర్ ఫోన్ను తీసుకురానున్నట్లు చాలా నివేదికలు ప్రకటించాయి. అయితే, జియో తీసుకురానున్న ఫోన్ ఎలా ఉంటుంది ? ఎంత రేటుతో వస్తుంది ? అని సర్వత్రా చర్చలు జోరుగా సాగుతున్నాయి. వాస్తవానికి, ఈ ఫోన్ గురించి అధికారికంగా జియో నుండి ఎటువంటి ప్రకటన కూడా బయటకి రాకపోయినా, ఈ ఫోన్ గురించిన వార్తలు ఆన్లైన్లో జోరందుకున్నాయి. కానీ, ఈ ఫోన్ గురించి ప్రస్తుతం వినిపిస్తున్న చాలా వార్తలు కూడా నిజమయ్యే అవకాశాలు ఎక్కువగా కనిపిస్తున్నాయి. అందుకే, దీని ధర, స్పెక్స్ మరియు ఫీచర్స్ గురించి తెలుసుకునే ప్రయత్నం చేద్దాం. పాత, ఒరిజినల్ జియో ఫోన్ గురించి ఒకసారి గుర్తుచేసుకుంటే, ఈ మొబైల్ ఫోన్‌ ను LTE సర్వీస్ తో రూ .999 ధరకు అందించినట్లు మనకు తెలుసు. అయితే, జియో ఫోన్ 2 ని తీసుకొచ్చిన తరువాత, ఈ ఫోన్ కేవలం 699 రూపాయల రేటుకే అమ్మడువుతోంది . అయితే, ఇప్పుడు కొత్త జియో ఫోన్ మోడల్ Jio Phone 3 స్థానంలో Jio Phone 5 ను సరసమైన మొబైల్ ఫోన్ ‌గా మార్చనున్నట్లు వార్తలు వస్తున్నాయి. 91 మొబైల్స్ నివేదికలో, జియో సంస్థ  ఈ Jio Phone 5 కోసం విస్తృతంగా పనిచేస్తున్నట్లు చెప్పబడింది. అయ...

వీడియో చూడండి: https://youtu.be/mGya-ylHNA0 పుట్టిన‌రోజు అంటేనే కేక్ క‌టింగ్‌, ఈ తంతు ముగియ‌గానే ఇష్ట‌మైన వారు కానుక‌లు స‌మ‌ర్పించుకుంటారు. అయితే ఈ రెండూ ఒకేసారి చేస్తే ఎలా ఉంటుంది? అచ్చంగా ఇక్క‌డ చెప్పిన‌ట్లుగా క‌నిపిస్తుంది. ఓ తండ్రి  పుట్టినరోజు సెల‌బ్రేష‌న్స్ కోసం అత‌ని కుటుంబం కేక్ సిద్ధం చేసింది. అయితే కేక్ క‌ట్ చేయ‌నివ్వ‌లేదు. ఎందుకంటే ఆ కేక్‌లోనే అస‌లు సిస‌లైన గిఫ్ట్ ఉంది. దీంతో కేక్ పైన ఉన్న హ్యాపీ బ‌ర్త్‌డే టాప‌ర్‌ను బ‌య‌ట‌కు తీస్తుండ‌గా దాని చివ‌ర‌న‌ నోట్ల క‌ట్ట‌లు క‌నిపించాయి. లాగుతూ ఉన్నంత సేపు అవి వ‌స్తూనే ఉన్నాయి. ఆ డాల‌ర్ల కట్ట‌లు కేకులో త‌డ‌వ‌కుండా ఉండేందుకు ప్లాస్టిక్ క‌వ‌ర్‌లో పెట్టారు. ఇక ఈ నోట్ల క‌ట్ట‌ల‌ను తీస్తున్న ఆ తండ్రి ఆనందం చెప్ప‌న‌ల‌వి కాదు. చిన్న‌పిల్లాడిలా గంతులు వేస్తూ ఎంజాయ్ చేస్తున్నాడు. "నాకు తెలుసు, మీరు న‌న్ను త‌ప్ప‌కుండా సంతోష‌పెడ్తార‌ని.." అంటూ ఏకంగా డ్యాన్స్ చేస్తున్నాడు. అయితే అత‌ను నోట్లు లాగే క్ర‌మంలో కేక్ ఏమాత్రం దిబ్బ‌తిన‌క‌పోవ‌డం గ‌మ‌నార్హం. ఈ వీడియోను అత‌ని కూతురు టోనీ సోష‌ల్ మీడియాలో షేర్ చేశారు. "ఈ రోజు నాన్న‌గారి పుట్టి...

తెలుగు స్టార్ దర్శకుడు ఎస్.ఎస్.రాజమౌళి ఆంధ్రప్రదేశ్ రాష్ట్రానికి మూడు రాజధానులు రావడంపై చాలా ఖుషీగా ఉన్నారట. దర్శకధీరుడు కి అసలు ఏపీ రాజకీయాల తో పనేంటి అని అనుకుంటున్నారా..? అయితే ఇది చదవాల్సిందే. గతంలో అమరావతిని రాష్ట్ర రాజధానిగా నిర్ణయించినప్పుడు చంద్రబాబు బాహుబలి సినిమాకి దర్శకత్వం వహిస్తున్న ఎస్.ఎస్.రాజమౌళి ని హుటాహుటిన క్యాపిటల్ ప్రాంతానికి పిలిపించారు. అతనిని అమరావతి కట్టడాలకు కి సంబంధించిన కొన్ని డెమో మోడల్స్ ను తయారు చేయమని మరియు ఏ రకంగా ఒక రాజధాని కడితే ప్రజలకు బాగుంటుందో సూచించమని అడిగారు. మాహిష్మతి సృష్టికర్త అయిన రాజమౌళి ఎలాంటి మోడల్స్ ను అప్పటి ఏపీ ముఖ్యమంత్రి కి ఇచ్చారో లేదో తెలియదు కానీ ఆయన దాని పట్ల చంద్ర బాబు సంతృప్తి చెందలేదని రాజమౌళి ఒక ఇంటర్వ్యూలో తెలిపారు. ఇక తాను కూడా మర్యాదపూర్వకంగా ఆ ప్రాజెక్టు నుంచి తప్పుకున్నట్లు కూడా తెలిపారు. అంత పెద్దగా దానిమీద వర్క్ చేసే అవకాశం రాలేదని ఆదిలోనే ఆ ప్రాజెక్ట్ నుండి వైదొలిగినట్లు తెలిపారు. ఇదంతా ఒక ఎత్తు అయితే 2014లో చాలా యాదృశ్చికంగా రాజమౌళి మూడు రాజధానులు నిర్ణయానికి జై కొట్టారు. లోక్ సభ సత్తా అధినేత జయప్రకాశ్ నా...

అయోధ్యలో నిర్మించబోయే రామ మందిరాన్ని అత్యున్నత న్యాణ్యతతో ఎటువంటి ప్రకృతి విపత్తులు ఎదురైనా తట్టుకుని వెయ్యేళ్లు చెక్కుచెదరకుండా ఉండేలా నిర్మించనున్నారు. ఎంతలా అంటే.. 10 తీవ్రతతో భూకంపం సంభవించినా ఏమీ కానంతగా ప్రముఖ ఆర్కిటెక్ట్ చంద్రకాంత్ సోమ్‌పుర డిజైన్ చేశారు. రెండెకరాల విస్తీర్ణంలో ప్రధాన ఆలయాన్ని నిర్మించి, మిగతా స్థలంలో అనేక రకాల చెట్లు పెంచుతారు. అలాగే, మ్యూజియంతోపాటు ఆలయానికి అనుబంధ భవనాలను నిర్మిస్తారు. ఆలయ నిర్మాణం బలంగా ఉండేందుకు 200 అడుగుల లోతు వరకు తవ్వి మట్టిని పరీక్షించారు. వెయ్యేళ్ల వరకు ఆలయ రూపంలో కానీ, ఆకృతిలో కానీ ఎలాంటి మార్పులు ఉండనంతంగా దీనిని నిర్మిస్తున్నట్టు నిర్మాణ పనుల సూపర్ వైజర్ అన్నుభాయ్ సోమ్‌పుర తెలిపారు. అంతేకాదు, ఒకేసారి 10 వేల మందికిపైగా భక్తులు సందర్శించుకునేలా దీనిని డిజైన్ చేసినట్టు వివరించారు.  

ఉస్మానియా వైద్య కళాశాల పరిధిలోని ఉస్మానియా ఆస్పత్రిలో చర్మాన్ని భద్రపరిచే స్కిన్‌ బ్యాంక్‌ ఏర్పాటుకు ప్లాస్టిక్‌ సర్జరీ విభాగం వైద్యులు సిద్ధమయ్యారు. ప్రముఖ స్వచ్ఛంద సంస్థ రోటరీ క్లబ్‌ సహకారంతో దీని ఏర్పాటుకు వారు ప్రభుత్వానికి ప్రతిపాదనలు సమర్పించారు. ఈ బ్యాంకు ఏర్పాటైతే.. రాష్ట్రంలోని ప్రభుత్వ ఆస్పత్రుల్లో ఏర్పడిన తొలి చర్మ బ్యాంకుగా చరిత్రకెక్కుతుంది. ఉస్మానియా ఆస్పత్రిలోని ప్లాస్టిక్‌ సర్జరీ విభాగంలో ఏటా 1500కు పైగా శస్త్ర చికిత్సలు జరుగుతుంటాయి. తెగిన చేతులు, వేళ్లు అతికించే సర్జరీలకు.. కాలిన గాయాలతో వచ్చే వారికి.. చర్మం అవసరం అవుతుంది. 30-40ు కాలిన గాయాలతో ఆస్పత్రికి వచ్చే వారి శరీరంలోని ఇతర భాగాల నుంచి 15-20ు మేర చర్మాన్ని సేకరించి గాయాలైన చోట అమర్చుతుంటారు. ఆలా చేయడం వల్ల ఇన్ఫెక్షన్‌ నుంచి రక్షణ లభించడంతోపాటు.. శరీరంలోకి ఎక్కించిన ఫ్లూయిడ్స్‌ బయటకు రాకుండా ఆపే వీలుంటుంది. ఫలితంగా, బాధితులు త్వరగా కోలుకుంటారు. ప్రాణాపాయం నుంచి బయటపడతారు. కానీ, 60 శాతానికిపైగా కాలినగాయాలైనవారి శరీరంలోని ఇతర భాగాల నుంచి చర్మాన్ని సేకరించడం కుదరదు. అలాంటివారికి...

తెలంగాణ రాష్ట్ర ప్రభుత్వం ప్రతిష్టాత్మకంగా చేపట్టిన హరితహారం కార్యక్రమంలో భాగంగా రాజ్యసభ సభ్యులు జోగినిపల్లి సంతోష్ కుమార్ గ్రీన్ ఇండియా ఛాలెంజ్‌ ను ప్రారంభించిన సంగతి తెలిసిందే. దీనికి మంచి స్పందనే వచ్చింది. ఇప్పటికే ఎంతో మంది సినీ తారలు, రాజకీయ నాయకులు, ప్రముఖులు చాలా మంది ఈ ఛాలెంజ్‌ ను స్వీకరించారు. తాజాగా ఈ కార్యక్రమంలో పాలుపంచుకున్నారు కమెడియన్ అలీ. బక్రీద్ పండుగను పురస్కరించుకొని మిమిక్రీ ఆర్టిస్ట్ శివారెడ్డి విసిరిన ఛాలెంజ్‌ను స్వీకరిస్తూ మణికొండలోని తన ఇంటి పరిసర ప్రాంతాలలో కుటుంబ సభ్యులతో కలిసి మొక్కలు నాటారు అలీ. అనంతరం ఆయన ఈ ఛాలెంజ్‌ను సినీ ఆర్టిస్ట్ ఖయుమ్, ఆయన బావమరిది కరీంకు విసిరారు. అదేవిధంగా యువతీ యువకులను పెద్ద ఎత్తున మొక్కలు నాటి ఈ యొక్క గ్రీన్ ఇండియా ఛాలెంజ్ ను ఇదేవిధంగా కొనసాగించాలని పిలుపునిచ్చారు.

ఇండియన్ సినిమా ఇండస్ట్రీలో ఇప్పటి వరకు వేలాది సినిమాలు వచ్చాయి.  అందులో ఆర్మీ నేపథ్యంలో వచ్చిన సినిమాలు చాలా వరకు సూపర్ హిట్ అయ్యాయి.  ఇటీవలే వచ్చిన యూరి సినిమా బంపర్ హిట్ కొట్టడంతో పాటు, అందులో మెయిన్ రోల్ పోషించిన విక్కీ కౌశల్ జాతీయ అవార్డు దక్కించుకున్నాడు. సర్జికల్ స్ట్రైక్ ఆధారంగా ఈ సినిమాను తెరకెక్కించారు.   అయితే, కొన్ని సినిమాల్లో ఆర్మీపై విమర్శలు చేస్తూ, విలన్ గా చూపిస్తున్న సంగతి తెలిసిందే.  దీంతో ఇండియన్ ఆర్మీ ఓ  కీలక నిర్ణయం తీసుకుంది.  ఇకపై ఆర్మీ నేపథ్యంలో సినిమాలు తీయాలంటే తప్పనిసరిగా రక్షణశాఖ అనుమతి తీసుకోవడం తో పాటు ఎన్ఓసి తీసుకోవాలి.  ఇక సినిమా రిలీజ్ అయ్యే ముందు సినిమాలోని ఆర్మీకి సంబంధించిన సన్నివేశాలను రక్షణశాఖకు చూపించి ఆమోదం పొందిన తరువాత మాత్రమే సినిమాలను రిలీజ్ చేయాలని ఇండియన్ ఆర్మీ పేర్కొన్నది.   ఇది గొప్ప నిర్ణయం అని చెప్పాలి.  మరి దీనిపై సినిమా ఇండస్ట్రీ ఎలా స్పందిస్తుందో చూడాలి.