ఇండియన్ ఆర్మీ కీలక నిర్ణయం: అలాంటి సినిమాలు తీయాలంటే రక్షణశాఖ అనుమతి తప్పనిసరి...

ఇండియన్ సినిమా ఇండస్ట్రీలో ఇప్పటి వరకు వేలాది సినిమాలు వచ్చాయి.  అందులో ఆర్మీ నేపథ్యంలో వచ్చిన సినిమాలు చాలా వరకు సూపర్ హిట్ అయ్యాయి.  ఇటీవలే వచ్చిన యూరి సినిమా బంపర్ హిట్ కొట్టడంతో పాటు, అందులో మెయిన్ రోల్ పోషించిన విక్కీ కౌశల్ జాతీయ అవార్డు దక్కించుకున్నాడు. సర్జికల్ స్ట్రైక్ ఆధారంగా ఈ సినిమాను తెరకెక్కించారు.  

అయితే, కొన్ని సినిమాల్లో ఆర్మీపై విమర్శలు చేస్తూ, విలన్ గా చూపిస్తున్న సంగతి తెలిసిందే.  దీంతో ఇండియన్ ఆర్మీ ఓ  కీలక నిర్ణయం తీసుకుంది.  ఇకపై ఆర్మీ నేపథ్యంలో సినిమాలు తీయాలంటే తప్పనిసరిగా రక్షణశాఖ అనుమతి తీసుకోవడం తో పాటు ఎన్ఓసి తీసుకోవాలి.  ఇక సినిమా రిలీజ్ అయ్యే ముందు సినిమాలోని ఆర్మీకి సంబంధించిన సన్నివేశాలను రక్షణశాఖకు చూపించి ఆమోదం పొందిన తరువాత మాత్రమే సినిమాలను రిలీజ్ చేయాలని ఇండియన్ ఆర్మీ పేర్కొన్నది.   ఇది గొప్ప నిర్ణయం అని చెప్పాలి.  మరి దీనిపై సినిమా ఇండస్ట్రీ ఎలా స్పందిస్తుందో చూడాలి.