కార్టొశాట్‌-3’ ప్రయోగ షెడ్యూల్లో మార్పు !

 భారత అంతరిక్ష పరిశోధన సంస్థ ఇస్రో తలపెట్టిన ‘కార్టొసాట్-3’ ఉపగ్రహ ప్రయోగం తేదీలను మార్చింది. దీంతో మరో రెండు రోజులు ఆలస్యం కానుంది. ముందుగా ప్రకటించినట్లు ఈ నెల 25వతేదీన కాకుండా 27వ తేదీ ఉదయం 09:28 నిముషాలకు ప్రయోగించనున్నట్టు ఇస్రో ఒక ప్రకటనలో తెలిపింది. ఈ ప్రయోగం శ్రీహరికోటలోని సతీష్‌ ధవన్‌ స్పేస్‌ సెంటర్‌ (షార్‌)లోని రెండో లాంచ్‌ప్యాడ్‌ నుంచి జరుగుతుందని అధికారులు తెలిపారు. మూడోతరం ఉపగ్రహమైన కార్టొసాట్ ‌3కు అత్యధిక రిజల్యూషన్‌తో స్పష్టమైన చిత్రాలను తీయగల సామర్థ్యం కలిగిఉంది. దీంతోపాటుగా అమెరికాకు చెందిన 13 నానో ఉపగ్రహాలను కూడా ప్రయోగించనున్న సంగతి తెలిసిందే.