సడెన్‌గా బ్యాంకాక్‌కి రాహుల్ గాంధీ... కారణం అదేనా...

 ఈ నెల చివర్లో ఎన్నికలు జరగబోయే... మహారాష్ట్ర, హర్యానాలో కాంగ్రెస్ పార్టీ పరిస్థితి ఏమంత ఆశాజనకంగా లేదు. ఇలాంటి సమయంలో... పోరాడాల్సిన ఆ పార్టీ కీలక నేత రాహుల్ గాంధీ... శనివారం సడెన్‌గా బ్యాంకాక్ ట్రిప్‌కి వెళ్లిపోయినట్లు తెలిసింది. రెండు రాష్ట్రాల్లో ప్రస్తుతం బీజేపీయే అధికారంలో ఉంది. ఇటీవలి లోక్‌సభ ఎన్నికల్లో కూడా రెండు రాష్ట్రాల్లో బీజేపీయే దుమ్మురేపింది. ఇలాంటి పరిస్థితుల్లో తల్లి, పార్టీ అధ్యక్షురాలు సోనియాగాంధీకి తోడుగా ఉంటూ... పార్టీని ముందుకు నడిపించాల్సిన బాధ్యత రాహుల్ గాంధీపై ఉంది. ఆల్రెడీ మొన్నటిదాకా పార్టీ అధ్యక్షుడిగా ఆయనే ఉన్నందువల్ల... నేతలు కూడా రాహుల్ సరైన నిర్ణయాలు తీసుకుంటారని భావిస్తుంటే... ఆయనేమో... బ్యాంకాక్ వెళ్లిపోవడం... రెండు రాష్ట్రాల్లో కాంగ్రెస్ నేతలకు మింగుడుపడని అంశంగా మారింది.