భారత క్రికెటర్ అజింక్య రహానేకు శనివారం నాడు ఆడబిడ్డ పుట్టిందన్న సంగతి తెలిసిందే. రహానే భార్య రాధికా ధోపావ్ కర్ బిడ్డకు జన్మనివ్వగా, ఆ సమయంలో విశాఖలో సౌతాఫ్రికాతో తొలి టెస్ట్ లో ఆడుతున్న రహానే, వెంటనే భార్యాబిడ్డల వద్దకు వెళ్లలేకపోయాడు. ఇక తొలి టెస్ట్ అనంతరం ముంబై చేరుకున్న రహానే, బిడ్డను చేతుల్లోకి తీసుకుని మురిసిపోయాడు. ఆ చిత్రాలను తన సోషల్ మీడియాలో పోస్ట్ చేశాడు. ఒకవైపు టెస్ట్ మ్యాచ్ లో విజయం, మరోవైపు తన ఇంట్లో బిడ్డ సందడితో రహానే ఆనందం రెండింతలైందనడంలో సందేహం లేదు.
Comments
Post a Comment