చిదంబరం సహా 14మందిపై సీబీఐ ఛార్జిషీట్‌!

ఎన్‌ఎక్స్‌ మీడియా అవినీతి కేసులో సీబీఐ శుక్రవారం దిల్లీ కోర్టులో ఛార్జిషీట్‌ దాఖలు చేసింది. ఈ కేసులో కేంద్ర మాజీ మంత్రి చిదంబరంతో పాటు మరో 13 మందిని  నిందితులుగా పేర్కొంది. ఐఎన్‌ఎక్స్‌ మీడియాకు విదేశీ నిధులు సమకూర్చడంలో చిదంబరం అధికార దుర్వినియోగానికి పాల్పడ్డారని ఛార్జిషీట్‌లో ఆరోపించింది. ఐఎన్‌ఎక్స్‌ మీడియా మనీలాండరింగ్‌ కేసులో ఆగస్టు 21న చిదంబరాన్ని  అరెస్టు చేసిన సీబీఐ  దాదాపు ఎనిమిది వారాల పాటు ఆయన్ను తిహార్‌ జైలులో ఉంచి విచారించిన విషయం తెలిసిందే. తాజాగా నగదు అక్రమ చలామణి నిరోధక చట్టం కింద చిదంబరాన్ని బుధవారం ఈడీ అధికారులు అదుపులోకి తీసుకున్నారు. గురువారం ఆయన జ్యుడిషియల్‌ కస్టడీని దిల్లీ కోర్టు అక్టోబర్‌ 24వరకు పొడిగించింది. ఈ ఛార్జి షీట్‌లో చిదంబరంతో పాటు ఐఎన్‌ఎక్స్‌ మీడియా అధిపతులు పీటర్‌ ముఖర్జియా, ఇంద్రాణీ ముఖర్జియా, చిదంబరం కుమారుడు  కార్తీ చిదంబరంతో పాటు మరికొందరి పేర్లను పేర్కొంది.